ያረጀ አንበሳ
ጥንት ዓለም በእግዚኣብሔር ሲፈጠር
አዳም ከሄዋን ጋር በገነት እንዲኖር
እንስሳት አራዊት እንዲያስተዳድር
ሊገዛ ሊመራ የአምላክ ፈቃድ ነበር
አዳም አጠፋና ከገነት ሲባረር
ሁሉም እያረጀ ሁሉም ይሞት ጀመር
በሕይወት እየኖረ አርጅቶ እንዲሞት
አዳም በማጥፋቱ ጌታ ፈረደበት
አንበሳ አርጅቶ ማደን ሲያቅተው
ጉልበቱ ይደክምና ነገር ግራ ሲገባው
የዝንብ መጫወቻ የዓይን አር ማከማቻ
ተከታዩ ጠፍቶ መሆን ነው ለብቻ
ጸሐይ ወጥታ ስትከር ዕዳር ታሀሳስ ጥር
ክረምት ሳይገባ ሲመጣ ግንቦት ወር
ከተማው ሲገማ ቆሻሻ ሲከመር
ዝንብ ይፈለፈላል ለማጥፋት ለመብረር
ሲበር ሲያጠፋ ያገኛል አንበሳ
ጊዜ የጣለውን ኮሳሳ ሬሳ
አንበሳ ሲያገሳ ያላየችው ዝንብ
ዓይኑን ታወጣለች መስሎአት የዕለት ምግብ
ጀግና ነበር አንበሳ የአራዊቶች ንጉስ
ዛሬ ግን ተነሳች እሱን ለመደምሰስ
መላ አከላቱን ዓይኖቹን ለማፍረስ
ዝንብ የአንበሳን ጉልበት ዙፋኑን ለመውረስ
ኃይሉ ገቢ 1985
No comments:
Post a Comment