ይሻለኛል!
ጌታ በማይፈቅደው መንገዱ ከሰፋው
፤
ሕይወት ከማይገኝበት ሞት ብቻ ከሆነው።
ሰላም ከሌለበት ፤ ከሌለበት ዕረፍት
ይሻለኛል እኔ የክርስትና ሕይወት
ከፍልስጤም ጎራ ጠላት ከበዛበት
ፀጉርን ከሚያስላጭ ከደሊላ ምቾት
ዓይንን ከሚያስወጣ ከፍልስጤም አገር
ይሻለኛል በክብር ከኢየሱስ ጋር መኖር።
ከጶጥፋራ ቤት ጮማ ከሞላበት
ሽንኩርትና በጥሁ የአትክልት ዓይነት
እነዚህን በሙሉ ለሰውነት ምቾት
ተትረፍርፎ ቢገኝ ኃጢያትን ለመስራት
ጌታን በማሳዘን ከመኖር በኃጢያት
ይሻለኛል እኔ ከጌታ ጋር ሕይወት
አልጋ ወራሽ ሆኜ በግብፅ ቤተ መንግሥት
ከፈርዖን ዙፋን ጌታ ባልነገሰበት
የፈርዖን ልጁ ወራሽ ነው ከምባል
ከጌታ ጋር ሆኖ መሰደድ ይሻላል
ኃጢያትና ርኩሰት ከሚደረግበት
ከጥፋት ከተማ ሞት ካንዣበበት
ከሶዶም ጎመራ ወርቅ አልማዝ ካለበት
ይሻለኛል ጌታ ትርፍ ባይኖርበት
ዓለም ከምትሰጠው ምቾትና ድሎት
ብዙ መቀማጠል ግን ባዶ ከሆነበት
ሁሉም ነገር ኖሮኝ ከጌታ ከምርቅ
ይሻለኛል ኢየሱስ በተስፋ መጠበቅ
ለሥጋ ከሚመች ካለበት ብዙ ሀብት
ራሴን ለውርደት ሕይወቴን ከመስጠት
በኃጢያት አረንቋ ራስን ከመክተት
ይሻላል ኢየሱስ ከዘለዓለም ሞት
በቸር ይግጠመን!!
ኃይሉ ነኝ
No comments:
Post a Comment