ሳቀች
እንደሞናሊዛ አይደለም ፈገግታ የለበትም
ለማስመሰል ይመስላል እኔን አላረካኝም
ሳቀችብኝ ቅዳሜ ማታ
እኔን አይታ ተመልክታ
ሳቀች እኔን እያየች
ምን ይናገረኝ እያለች
ድሮ ጥንት ስንተዋወቅ
እኔን እንደዛሬ ሳትንቅ
ሩጫ መሮጥ ስትጀምር
ተስፋ እንዳትቆርጥ ስንመካከር
መስኮብ እሄዳለሁ ስትለኝ
የሞራል ድጋፍ እያደረግኩኝ
ሞራሏ እንዳይሰበር እየመከርኩኝ
አልጄሪያ ኬንያ ሞምባሳ ስትሄድ
አገር ውስጥም ለሥራ ስትገደድ
ናዝሬት ደብረ ዘይት ለሥራ
ሲቻለኝ እየሄድኩ ማንንም ሳልፈራ
አወይ የሰው ነገር
ምንም ሳልናገር
ሳቀች ተንተከተከች
የተበደለ እየመሰለች
አይደል እንደሞናሊዛ ፈገግታ የለበትም
ተንተክትካ ሳቀችብኝ እኔ ግን አልበደልኳትም
በእኔስ ብትስቂ አይገርመኝም
ወንድምሽ ነኝ ምንም አላጠፋሁም
ኃይሉ ገቢ 1973
No comments:
Post a Comment