ታማኝ ሆኜ ልኑር!!
ለሰጠኋችሁ ሕግና ትህዛዝ
ሁሉ ታማኞች ሁኑ
እኔ እግዚኣብሔር ነኝ ዘሌዋውያን 19፡37
ዳገት ቁልቁለቱን ወንዝ በረሃውን
ለሰው ልጅ ተፈጥሮ የሚያስቸግረውን
አርባ ቀን በበርሃ የተንከራተትከው
አንተ ሆነ ሳለ ሁሉንም የፈጠረከው
የዓለም መንግሥታት ሁሉን የመሰረትከው
ምድርና ሞላዋን ለአንተ እሰጥሃለሁ
ብሎ የፈተንህ ጥያቄ ያቀረበው
ፈተናውን ሁሉ በቃልህ የመለስከው
የሰይጣንን ፈተና በድል የፈፀምከው
እኔን ለማዳን ነው ሁሉንም የቻልከው
በሮማን ወታደር ጀርባህ የተገረፍከው
እንደወንጀለኛ በመስቀል የሞትከው
ሥልጣኑ እያለህ ያንን የፈጸምከው
በጠላቴ ላይ ሥልጣን እንዲኖረኝ ነው
ከአስከፊው ሕይወቴ ፍጹም የለወጥከኝ
ሞት ተፈርዶብኝ ነፃ ያወጣህኝ
በችግር ዘመኔ ከለላ የሆንከኝ
ጌታ ያደረግክልኝን ይህንን ረስቼ
ዳግመኛ እንዳልሰቅልህ ከዓለም ተስማምቼ
ዘመኔ ተፈጽሞ ወደአንተ እስክመጣ
በምድር ኑሮዬ አንተን እንዳላጣ
ጌታ ሆይ!! ጠብቀኝ ልኑር በእግርህ ሥር
እንዳላሳዝንህ ታማኝ ሆኜ ልኑር
በቸር ይግጠመን!!
ኃይሉ ነኝ!
No comments:
Post a Comment