ያንተ ተስፋ ማነው?
(የእርሱ ታማኝነት እንደ ጋሻ
ወይም
እንደከተማ
ቅጽር
ይሆንልህል)
መዝሙር
91፡4
እግዚኣብሔር ተስፋ ገብቶልናል
እኛም በእርሱ ታምነናል
እኛን ሊጠብቀን ሊያድነን
ከሚመጣው መቅሰፍት ሊያወጣን
ካልጠበቅነው ካላሰብነው
ይሆናል ብለን ካልገመትነው
ጠላት በእኛ ላይ ከሸረበው
ሊያጠፋን ካዘጋጀው ካጠመደው
መከራ ሆነ ሀዘን
ለእኛ አቅም ከሚከብደን
ግራ ከሚያጋባ ከሚያስጨንቅ
ወይም ለሌላው ከሚያስደንቅ
በሞት ሸለቆ ብንጓዝ
ቢጠፋ የሚጨበጥ የሚያዝ
ተስፋ ገብቶልናል ሊጠብቀን
እንደጋሻ ሆኖ ሊያድነን
ደግሞም ዙሪያችንን ሊከበን
መከላከያ አምባ ሊሆነን
ያንተስ መታመኛ ማነው?
የሚጠብቅህ የምትጠብቀው
መመኪያ ሥጋ ለባሽ ነው
ያኔውኑ ቅንጥስ የሚለው
መደገፊያ አሸዋ ነው ሸንበቆ
ዛሬ ታይቶ ነገ የሚታየው ደርቆ
ያንተ ተስፋ ምንድነው?
ጉልበቴ ነው የምትለው?
በቸር ይግጠመን!!
ኃይሉ ነኝ!
No comments:
Post a Comment