መክሊት (ሉቃስ19፥12-27ማቴ 25፥14-30)
በአንድ ከተማ ውስጥ በጣም ትንሽ መንደር
ክቡር የተባለ አንድ መስፍን ነበር
ከዋናው ከተማ ርቆ ካለው ግዛት
ከንጉስ መኖሪያ መልእክት ቢመጣለት
ንግሥና ሊሰጠው ክብር ሊጨመርለት
ቶሎ እንድትመጣ ብለው ቢልኩበት
ወደዚያ ከተማ ከመሄዱ በፊት
ካሉት አገልጋዮች አስሩን ሰብስቦ
ሳይበዛም ሳያንስም መጠኑን አስቦ
ለአሰሩም አገልጋይ ታማኝ ነው ላላቸው
ታላንትና ምናን አካፍሎ ሰጣቸው
ሰርተው እንዲያተርፉ ምክርም ለገሳቸው
ከመስፍኑ አሽከሮች አንደኛው እኔ ነኝ
ከገንዘቡ ቆጥሮ በእጁ የተሰጠኝ
መነገድ አላውቅም ዛሬ አልማርም
የመስፍኑን ምክር እኔ አልዘነጋውም
ከመቸርቸሪ በፊት ነጋዴ ከመሆኔ
በቤቴ መድረክ ላይ ቁጭ ብዬ እኔ
ንግድን ስለማላውቅ ስራው እንዳይከብደኝ
እመራመር ጀመር ሃሳብ ውስጥ ገባሁኝ
ሳወጣና ሳወርድ ማጥናት መቀመሩን
ውሳኔ ላይ ደረስኩ ለእኔ የተሻለውን
ገበያ ወጥቼ መነገድ ብጀምር
ሥራ ስለማላውቅ ገንዘቡን ባከስር
ጌታዬ ሲመጣ እሱ የሚያደርገው
መክሰሬን ሲያውቅው ወህኒ ሊያወርደኝ ነው
ስለዚህ ገንዘቡን እኔ ምን ላድርገው
በጨርቅ ጠቅልዬ አልጋ ውስጥ ላስቀምጠው
አይሆንም ሃሳቡ ሳስቀምጥ ያየኝ ሰው
በሌለውበት ሰዓት ገንዘቡን ቢሰርቀው
ጌታዬ ሲመጣ እኔ ምን እላለሁ
እሱ እንደሆነ ጨካኝ አለቃ ነው
ማድረግ የሚገባኝ ለእኔ የሚሻለው
ሰው ሳይምለከት ጉድጓድ ውስጥ ብቀብረው
ጌታዬ ሲመጣ አውጥቼ እሰጣለሁ
የእኔ ምርጫዬ የሚመስለው ይህ ነው
አንተስ ከየትኛው ወገን ነው ያለህው?
የምትጠቀም ነህ መክሊቱን መንዝረህ
ወይስ እንደእኔ መክሊት ቀብረህ ያለህ ?
ጌታችን ኢየሱስ ሲሄድ ከምድራችን
ለእያንዳንዱ ምዕመን ሰጥቶናል መክሊትን
ነግደን አትርፈን ዘር እንዲበዛልን
አንዱ ለማስተማር ሌላው ለመዘመር
የመዳንን ወንጌል ለሕዝብ ለመናገር
ሌላው ማስተዳደር ነገሩ እንዲሰምር
ደግሞም በሓዋርያነት ያጠፋን ለመምከር
ሁሉም ተሰጥቶታል በጌታ ቤት ሲኖር
መክሊቱን ተጠቀም ለዘላለም ሕይወት
ድንገት ጌታ መጥቶ እንዳትሄድ ወደሞት
በቸር ይግጠመን!!
ኃይሉ ነኝ! Jan2009
