በእርግጥ ይጎበኛል
ሕዝቦቼ እያለ ጌታ የሚጠራቸው
በአብርሃም ምክንያት ተስፋ የገባላቸው
በኖሩበት ምድር ድርቅ ቢያጠቃቸው
የሚበላ ነገር ቢያጡ ከቤታቸው
እርሻቸው ጦም አድሮ ምግብ ቢያሳጣቸው
ወረዱ ወደግብፅ በተሃቸውን ይዘው
ወደግብፅ ቢጓዙ እህልን ፍለጋ
ዮሴፍ ሰጣቸው ምግብ ያለዋጋ
መኖሩ ሲታወቅ ዮሴፍ በሕይወት
ሁሉም ተሰብስበው ሄዱ ሊጎበኙት
እግዜር ጎበኛቸው ጌታ አሰባቸው
ከመታው ርሃብ ከሞት ታደጋቸው
ሀና በዘመንዋ ልጅ ስላልነበራት
ሁልጊዜም ፀሎትዋ ነበር እንዲሰጣት
ጠዋት ታነባለች ማታም ታለቅሳለች
ሁሌም ንዝነዛዋ ልጅ ስጠኝ እያለች
ምኞትዋ ነበረ ልጅ እንዲሰጣት
ካለባት ተጽዕኖ ነጻ እንዲያወጣት
እግዚኣብሔር እንባዋን ጩኽትዋን ተመልክቶ
ጌታችን ጎበኛት ሳሙኤልን ሰጥቶ
ዛሬም በዘመናችን በአንዳድ ሰው ሕይወት
ችግሩ በዝቶበት ተስፋው ያለቀበት
መቼ ነው እግዚኣብሔር እኔን ሚጎበኘኝ
ከተሸከምኩት ችግር ጌታ የሚያላቅቀኝ
ብሎ የሚያስብ ሰው
ምንም የሌለው ተስፋ የሚጠብቀው
በእርግጥ ይጎበኛል እግዚኣብሔር ታማኝ ነው።
በቸር ይግጠመን!!!
ኃይሉ ነኝ!
No comments:
Post a Comment