ቀጠሮ እናክብር
ቀጠሮ ተቃጥሮ ነገር ለመቋጠር
ተስማምተን ስንሄድ በስልክ ስንናገር
ጥብቅ ማስጠንቀቂያ ቀጠሮ እንዳይሻር
እንደአምላካችን ቃል ጊዜውን ለማክበር
ከወንድሜ ጋራ ተነጋግረን ነበር
ቃሉ እንደታመነ እንድንሆን ታማኝ
ልክ በሰዓቱ በሥፍራው እንድንገኝ
ለጊዜው ለሰዓቱ በአንድነት ተስማምተን
እንዳትቀር እንዳትቀር ብለን የተናገርን
በጌታ ፊት ነበር ሃሳቡን ያጸደቅን
አባቶች እንዳሉት ቀድሞ እንደተናገሩት
የተናገሩት ከሚጠፋ ይጥፋ የወለዱት
ቃል የእግዚኣብሔር ነው ብዬ
የያዝኩትን ፕሮግራም ሁሉ ጥዬ
የዕለቱን አጀንዳ በዚህ ላይ ጠቅልዬ
ወንድሜ በሰዓቱ እንዳይገኝ ቀድሞኝ
ቀድሞም በመድረሱ እርሱ እንዳያዝንብኝ
ልክ በሰዓቱ በሥፍራው ላይ ብገኝ
ብጠብቅ ብጠብቅ ምንም አላየሁኝ
ዓይኖቼን በሩቁ አሻግሪ ብቃኝ
ስልክም አልደወለ ስጠብቅ እንደሞኝ
በዓላችን ምንድነው? ዥንጉርጉር የሆነው
ትርጉም የማይሰጥ ግራ የሚያጋባው
ክርስቲያን ነን ብለን የክርስቶስ አገልጋይ
ቀጠሮ አለማክበር የምንሆን ወላዋይ
በቸር ይግጠመን!!!
ኃይሉ ነኝ! Jul 2008
No comments:
Post a Comment