ጊዜውን አንስረቅ
ለሁሉም ጊዜ አለው
ሰለሞን በቃሉ
እንደተናገረው ፤
እርግጥ ነው በሙሉ
ሲወለድ፤ ለማደግ
በጊዜው በሰዓት
ለሁሉም ጊዜ አለው ለመኖር ለመሞት
በጊዜው ለመውደድ
ፍቅርንም ለመስጠት
ሁሉም ይፈጸማል
በዓለም ሳለን በሕይወት
ለመብላት ለመጠጣት
ወይም ለመዝናናት
ለመጨፈር ይሁን ራስን ለማርካት
ለዕረፍት ጊዜ አለው
ሰላምን ለማግኘት
ጊዜ ይገዛዋል ለዓለም
ሁሉ ፍጥረት
ገበሬው ተነስቶ
ጓዶቹን ሰብስቦ
የእርሻ መሬቱን
በግልም ፤ በደቦ
መሬቱን ለማሳ ፤
ለተክል ለማዘጋጀት
ከለፋበት መሬት
ፍሬውን ለማግኘት
በጠዋት ተነስቶ
ጓሉን የሚጎለጉል
ሳምንት ሳይበቃው
ስራው ላይ የሚውል
ወራቱን ጨርሶ ዓመት
የሚያጋምስ
እርሻውን በማለስለስ
ጊዜውን የሚጨርስ
አራሹ ገበሬ ለእርሱም
ጊዜ አለው
ዓመቱን በሙሉ በጊዜ
የሚሰራው
መሬት ለማለስለስ
፤ እርሻውን ለማረስ
ለሥራው ጊዜ አለው
ጓሉን ለመከስከስ
ገበሬው ተኝቶ ዓመቱን
ያለስራ
ክረምት ሲመጣ ፍሬውን
ቢዘራ
በመጨረሻ ላይ ርሃብ
ነው መከራ
ጊዜውን ጠብቆ ክረምት
ከመምጣቱ
ፀሐይ ባለችበት
ዝናብ ከመብዛቱ
በጊዜው በሰዓቱ
ቢያረስ መሬቱን
ቀጥሎም በጊዜው
ቢጎለግል ጓሉን
ሰኔ ሲመጣለት ምድሩን
ቢገለብጥ
በጊዜው ቢጠቀም
ያገኛል ጥሩ ለውጥ
ተማሪው እያለ ሆኖ
በትምህርት ቤት
ትምህርቱን አቋርጦ
አይችልም መጫወት
በመማሪያ ጊዜ አይሄድም
ለዕረፍት
ተማሪም ጊዜ አለው
ሳለ በት/ቤት
በዓለም የሚኖር
ለሁሉም ጊዜ አለው
በመጀመሪያ ዕለት
አምላክ የፈጠረው
ለአንዳንድ ሰው
ደግሞ ጊዜ ሲያልፍበት
መንጋቱን መምሸቱን በዚህ በመደሰት
ጊዜው እንደሚያልፍ
ፍፁም ሳይመለከት
አምላክ የሰጠውን
ጊዜውን በመስረቅ
ጊዜውን ይጨርሳል
ሴኮንድን በመናቅ
ሙሽራ ነኝ እኔ
፤ ሙሽራ የምጠብቅ
እንደሚመጣልኝ ፤
ተስፋ የማደርግ ከሩቅ
ዘይቴን ሞልቼ ፤
መብራቴን አብርቼ
ቢቆይም ቢመጣ ጊዜዬን
ለይቼ
እየጠበቅሁ ነኝ
፤ ጊዜዬን ገምቼ
ለእኔ ጊዜዬ ፤
ወርቅ ና አልማዝ ነው
ሴኮንድ ና ሰዓት
አምላክ የፈጠረው
ጊዜውን ለማወቅ
ሰዓት የተሰራው
ሥራዬን ለመስራት
ጊዜ የተገደበው
ሰዓቱን ጠብቂ ልኖርም
ጭምር ነው
በሰዓት በጊዜ ችግር
የገባችሁ
የጊዜ አጠቃቀም
ውሉ የጠፋባችሁ
ጠይቁት የሱስን
መፍትሔ አለላችሁ
በቸር ይግጠመን!!!
ኃይሉ ነኝ! 2005
No comments:
Post a Comment