ጩኸቴን ማን ይስማው ?
ከአምላኬ በታች አባት አለኝ የምለው
የወለደኝ አባት ወይ እረኛዬ ነው
ችግር ቢበዛብኝ ግራ ግራ ብሆን
ሊለግሰኝ ብዬ እንዲነግረኝ ምክሩን
ስልክ ደውዬለት ቀጥሮ ብጠይቀው
ቃል እንዲያካፍለኝ ነገሬን ብነግረው
ዛሬ አይመቸኝም ነገ ነገ ሲለኝ
ነገ ነገ ወልዶ ነገ ቢበዛብኝ
የነገ ሲገርመኝ ሳምንት አሳለፍኩኝ
ሳምንት አሳልፌ ወርን አጋመስኩኝ
የተጨነቅኩበት አውጥቼ ከአንደበቴ
የተቸገርኩትን የውስጤን ከአንጀቴ
ለጩኸቴ ምላሽ ካልሰጠኝ አባቴ
የሚያስፈልገውን ምክሩን ካልለገሰኝ
አባት ለአባትነት የሥጋ አባት አለኝ
ጩኸቴን ካልሰማው ጉዳቴን ካላየው
ከተቀደሰው ቃል ለልቤ የሚያሻው
ተናግሮ አስተምሮ ልቤን ካልመለሰው
አባቴ ካልሰማኝ ጩኸቴን ማን ይስማው ?
በቸር ይግጠመን!!!
(2009) ኃይሉ ነኝ!!
No comments:
Post a Comment