አብስሩ ዜና
የምሥራቹን ቃል ለዓለም ለማድረስ
ቃል ኪዳን የገባችሁ ሕዝቡን ለመመለስ
ጊዜና ሁኔታ ስላልተመቻችሁ
ጊዜን በመጠበቅ ምንም ያልሰራችሁ
ከራስ ከሥጋ ጋር ፍትጊያ የያዛችሁ
ራስን ለመግለጥ አቅምን ያጣችሁ
በልውጣ አልውጣ መካከል ያላችሁ
ጊዜን በመጠበቅ ጊዜ የጠፋባችሁ
በእንደዚህ ያላችሁ ስንት ፋሪስ ናችሁ
ክረምት አልፎአል ውብ በጋ መጥቶአል
ጨለማው ተገፎ ለሊቱ ነግቶአል
አስፈሪ ጨለማን ብርሃን ትክቶታል
ወንጌልን ለማድረስ ጊዜ መጥቶለታል
በፍርሃት ማዕጸን ውስጥ ሆናችሁ
ሳትንቀሳቀሱ ዝምታ ውጦአችሁ
በመንቲያነት በሆድ ውስጥ ያላችሁ
ቀድማችሁ ውጡ ከመንቲያችሁ
ጥሳችሁ ሄዱ አሸንፋችሁ
እኔን ባይነት አስወግዳችሁ
ወገባችሁን ጠበቅ አርጋችሁ
የወንጌልን ቃል ተሸክማችሁ
ባርኮት ከጌታ ተቀብላችሁ
ብረሩ ወደፊት እንደወፊቱ
አብስሩ ዜና እንደእርግቢቱ።
በቸር ይግጠመን!!!
ኃይሉ ነኝ!!
No comments:
Post a Comment